იყო და არა იყო რა, იყო ერთი ხელმწიფე. სამი ვაჟი ჰყავდა. მეფის ბაღში ერთი საოცარი ხე იდგა, რომელიც წელიწადში მხოლოდ სამ ფოთოლს ისხამდა, ისხდნენ ზედ ფრინველები და გალობდნენ. ერთხელ გამოვიდა ხელმწიფე ბაღში და დაინახა, რომ ხეს ერთი ფოთოლი აკლია, თან აღარც ფრინველები სხედან ზედ. შეწუხდა ძლიერ და შვილებს უთხრა, წადით და ფოთოლი იპოვეთო.

უფროსი და საშუალო ძმა ერთად წავიდნენ, უმცროსი - ცალკე.

უმცროსმა იარა, იარა და მიადგა ერთ გზაჯვარედინს.