შუა მდინარეში რომ იყვნენ, დევმა უთხრა:

- ოჰ, რა ძალიან მსუბუქი ყოფილხარო!

- ეს იმიტომ, რომ ერთი ხელი ცაზე მაქვს მოკიდებული და თუ გავუშვი, ვეღარც კი დამძრავო.

- აბა გაუშვი ხელიო, - უთხრა დევმა.

ნაცარქექიამ სადგისი ამოიღო და დევს კისერში ჩაურჭო. დევმა საშინელი ყვირილი მორთო და სთხოვა, ხელი ისევ ცისთვის მოეკიდა.

როდესაც ნაპირზე გავიდნენ, დევმა უთხრა:

- წამოდი, დღეს სადილზე მეწვიეო. 

ნაცარქექია კი შეშინდა, მაგრამ რას იზამდა, უნდა წაჰყოლოდა.