ზის მელია და ისევ ფიქრობს, ახლა რაღაზე შევედავო, რომ პაწია ბაჭიების შეჭმა შევძლოო. უცბად წამოხტა. ჩამოიღო კედლიდან ცხრილი და იყვირა:

- თქვენ ეი, ყურგრძელებო! გაიქეცით წყაროზე და ამ ცხრილით წყალი მომიტანეთო!

ბაჭიები კისრისტეხით გაცვივდნენ წყლისთვის. ამოიღებენ ცხრილით წყალს - გასდის. ამოიღებენ - გასდის.

დასხდნენ და დაიწყეს ტირილი. ხეზე კი ერთი ჩიტი იჯდა. ამ ჩიტმა უცბად სიმღერა დაიწყო. აი, როგორ სიმღერას მღეროდა:

„დაჩვრეტილი არის ცხრილი,

გაუგლისეთ თიხით ძირი,

აბა, მალე, აბა, მალე,