ილუსტრირებული ზღაპრები ბავშვებისათვის (ნაწყვეტი #2)
მეორე დღეს მეფეს ალიონზე გაეღვიძა.
მღელვარებისგან გული ყელში ებჯინებოდა. ჩავიდა საგარდერობო ოთახში და ფეიქრებს დაელოდა, აბა, როდის მომართმევენ ახალ სამოსსო.
ფეიქრებიც მალე გამოჩნდნენ.
მოდიოდნენ სახეგაბრწყინებულები და ტყავის დიდ ზანდუკს მოასვენებდნენ.
- მეფეო, თქვენი სამოსი მზად გახლავთ, - მოახსენეს თავდახრით.
- მერედა, რაღას ელით? - შეჰყვირა მეფემ, - მომეხმარეთ, ჩამაცვით.
ფეიქრებმა სკივრს თავი ახადეს და ვითომ სამოსის ამოლაგებასა და მეფის გამოწყობას შეუდგნენ.