სასახლეში ლოგინიდან წამოდგა დედოფალი. საზაფხულო კაბა ჩაიცვა და იმპერატორს აკოცა - უკვე მშვენიერ ხასიათზე იყო. იმპერატორსაც გადაეყარა ნაღველი. პრინცესა მატილდამ ბურთი და ჩოგანი აიღო, მდელოზე გავიდა და კარისკაცებთან ჩოგბურთის თამაში დაიწყო.

- ვერაფერი გამიგია. - ამბობდა იმპერატორი და კეფას იფხანდა.

- იცით რა, თქვენო უდიდებულესობავ. - უთხრა ძია ტიკ-ტაკმა. - კუებს ზამთრობით, როგორც წესი, სძინავთ. ჰოდა, აი, ზამთარმა დაინახა, თქვენთან, სამზარეულოში, რომ თექვსმეტ კუს ერთად ეძინა. იფიქრა, ჩემი წასვლის დრო ჯერ არ არისო და დარჩა.