ძია ტიკ-ტაკმა ფიცრები, ლურსმნები და ცული აიღო, ღრრრი მიიხმარა და ნავი გააკეთა. მერე ნავი ორივემ ერთად შეღება, ასწია და მდინარესთან მიიტანა. წყალში რომ ჩაუშვეს, წვეთს არ შეუჟონავს, მაგრამ ჩასხდომა ვერ მოახერხეს -  ნავი პატარა აღმოჩნდა. ორნი ვერ მოთავსდნენ. ძია ტიკ-ტაკი ჩაჯდა, ღრრრი კი ძალიან დიდი იყო და ვერ ჩაეტია.

მეტი რა გზა ჰქონდათ, ნავი წყლიდან ამოათრიეს და ისევ უკან წაიღეს.